七十後、八十後、九十後應大力支持強積金、醫療保險、反對全面醫保

又係個句,講完一定有人鬧,但都要講,因為我條數係咁計的。香港人以戰後嬰兒潮最大,然後慢慢減少,其中五十後、六十後慢慢退休、七十後、八十後甚至九十後陸續成為社會主力,這代表五十後、六十後將會由交稅一族變成需要社會照顧的一群。

問題就係呢度,以香港醫療水平,人均壽命超過八十五歲,人口中又以五十後及六十後人口最多,代表香港的醫療壓力將會愈來愈大。由於以往沒有適當的醫療保障制度,加上公營醫療系統發達,大家慣左食政府。

不過,未來人口生態轉變,政府錢有限,加上通脹,無咩可能仲應付到,而未來呢?支出將會由七十後、八十後、九十後應付,大大增加政府開支,實在要積極解 決。有立法會議員話要政府全面醫保,聽係好聽,但最終?錢咪又係我地呢幾代人俾,賺錢人少左,要幫助的人多左,最終要交多?稅,根本唔?數。但五十後及六 十後已經無機會儲錢應付,咁點算呢?

為免未來要應付長遠負擔,大家應該支持強積金,繼續為未來儲錢,也都制強積金使用,不應開放適用範圍,令強積金呢個安老政策,變成儲錢政策,而且強迫所有人,包括五十後、六十後、七十後、八十後、九十後做醫療保險,用自已錢儲錢,保障番自已未來醫療,咁先係辦法。

聽落會減少我地收入,唔著數,但如果唔強迫五十後、六十後買醫療保險,佢地條醫療數又係政府俾,第時政府醫療開支好大,後代根本應乎唔來,所以強迫全部人 用醫療保險保障自已,某程度上降低如傷風咳嗽等小病小痛的醫療開支,再把政府醫療收費調高少少,變番合理及市民能承受水平,餘下大病大痛先搵政府找數,咁 未來條數先有可能計。

如果推出全面醫保,聽落好著數,但個個醫療都係用政府錢,未來人口最多的五十後、六十後個個變老人家,要政府養,七十後、八十後、九十後根本就找唔到數,到時就會出現大問題。楊永強當日係立法會個樣係唔好,但講真話,醫療唔改革,錢會係樹生出來咩!