今早入到芳姐的茶餐廳時，她馬上煞有介事地走過來。

「早晨呀，森哥，今早想食邊款早餐呀，我幫你點。」芳姐既親切又緊張地問我。

「嘩，要勞動老闆娘同我落單，真係受寵若驚喎！唔通芳姐有事相求？」

「哈，森哥，你真係醒目，唔好講咁多，我先幫你落單，叫??再講！」芳姐確實很心急，我只好悉隨尊便。

「好啦，我就叫個A餐啦，飲熱奶茶！」

「好，馬上?！」芳姐一面落單，一面跑去交單，然後又撲過來。

「喂，森哥，想請教你一樣?！我聽講保安局舊年年底實施?個『旅遊警示』既機制，到底係點既一回事？最重要係，對旅遊保險有冇影響呀？」聽到「旅遊警示」這幾個字，一向好奇的阿蘇也靠過來，豎起耳?聽。

「咦，點解妳咁緊張呀，妳有朋友想去泰國咩？」我隨口說說，但原來開口中。

「嘩，真利害，一講就中！係呀，我細佬尋日出差去?曼谷，佢出發前托我問?，佢份旅遊保險到底有冇得保喎，因為佢話，舊年保安局有個新政策，唔知會點樣影響旅遊保險？」

「芳姐，蘇哥，唔係我特別醒目，稍為有留意時事既都知，泰國近來又有反政府示威，香港政府已經提高?曼谷既『旅遊警示』，由黃色變為紅色！」。

「係呢，森哥，到底紅同黃既分別係點呀？！」阿蘇雖然好奇，但也算得上好學。

「哦，係咁既，保安局為?提供更全面既旅遊資訊俾香港市民，?舊年10月20日推行一套『旅遊警示』制度，主要分為黃、紅、黑三個級別。黃色表示受影響地區或國家有受到威脅既跡象，市民去到當地要提高警惕；至於紅色就表示，受影響地區或國家受到更廣泛或全國性既威脅，市民應該調整行程，如非必要（如旅遊），應該避免前赴該國家或地區；至於黑色警示，即係表示受影響既地區或國家正受到嚴重威脅，市民不應該前赴當地！」

「咦，依家泰國好似係紅色喎，咁旅遊保險係咪冇得保架喇！？」芳姐馬上聯想到旅遊保險。

「咁又唔係，據我了解，呢套『旅遊警示』既制度，對旅遊保險既影響好有限，甚至可以講，部分旅遊保險既保障仲大?！」阿蘇露出詫異的神情，好像不信我的講法。

「阿蘇，你聽我講。從旅遊保險既角度，我諗要分兩類，一類係買?全年保障既，另一類係逐次買既。首先，買全年旅遊保險果種，暫時大部分保險公司都冇因應呢個『旅遊警示』制度而修改保障條款，所以，佢地都會沿用本來既『不保事項』去限制風險，例如暴動，戰爭等，呢?本來就唔保既。如果因為其他受保原因而招致損傷或損失則繼續受保！至於單次買既旅遊保險，我知道，有?保險公司反而仲增加?保障，例如買?保險之後，保安局提高?『旅遊警示』，如果客人被迫取消行程，仲會有得賠添。總之，你要詳細了解每份保單既內容。不如咁啦，為人為到底，你叫你細佬電郵佢份保單我睇啦！」聽到我這樣說，芳姐有點釋懷了！