退休保障遙無期 老無所養最堪哀

九月 2, 2011
Joe Chan

【東方日報專訊】問一條IQ題,今日邊度最多公公婆婆,茶樓?錯!公園?又錯!正確答案係銀行同郵局。

港府今日開始接收派錢登記表格,首批係六十五歲或以上長者,望到頸都長終於就快有錢派,銀行同郵局唔逼爆至奇咯。咪怪老人家心急?,好多人等住呢六千蚊開飯o架。

係人都知,香港冇退休保障制度,好多長者老無所依,老無所養,真係臨老唔過得世o架。正如安老事務委員會負責人話齋,港府人口福利政策短視,長者?房屋、醫療及交通方面?福利,仲差過內地同澳門。有爭取全民退休保障?團體建議,當局應該盡快研究推行全民退休保障,例如將生果金及綜援開支,加上強積金一半供款,再另外注資五百億元成立基金,咁就可確保全港長者每月有三千蚊,可以維持基本生活。

提起退休保障,真係火都?埋,香港地除?公務員退休後無憂無慮,其他打工仔只能望天打卦。對低收入打工仔?講,退休惟有食穀種,冇穀種食?就慘咯,話就話有強積金,可惜唔湯唔水,似有若無,根本靠唔住。

話時話,強積金推行十年,手續費高到離譜,供款等於幫基金經理打工,早已為人詬病。但港府就關人個關,一味對強積金小修小補,拒絕推行全民退休保障,話之你臨老唔過得世喇。

其實,港府唔係冇錢,最弊該做?唔做,唔該做就亂?,例如寧願掟五百億推行九唔搭八?自願醫保計劃,養肥保險公司;又例如?五十億搞個無厘頭?「關愛基金」,但就始終唔肯投放資源建立全民退休保障制度,簡直豈有此理。

冇錯,有人擔心推行全民退休保障可能會造成尾大不掉?後果,令香港變成好似歐洲國家咁?福利社會,成為沉重?財政負擔,遲早無以為繼。其實,事在人為??,只要有周詳?計劃,合理?分配,真正為老人家?想,以香港豐富?財政資源?講,呢?根本就唔係問題。

正如關注團體話齋,就算全民退休保障存在技術問題,港府都應該提出切實可行?政策,而唔係翹埋雙手,乜都唔做。係咯,當局諗都懶得諗,連研究都慳番,一於得過且過,拖到夠鐘收工就拍拍屁股走人,咁叫做「做好呢份工」咩?咁叫做「以民為本」咩?

計功夫茶話齋,港府懶得研究唔緊要,家陣有人拋磚引玉,首先提出建議,如果當局仲係推三推四,阿芝阿佐,咁就抵畀人鬧「垃圾」喇!

Our Blog. Stay informed with MPF.HK insights.

滙豐恒生強積金流失百萬MPF

根據強積金研究機構《積金評級》(MPF Ratings)資料,截至今年3月底止,MPF資產累積至1.17萬億元...

永久離港 取回MPF

在MPF法定框架內,到底何謂「永久離港」? 「現行的《強制性公積金計劃條例》,並無白紙黑字列明,何謂『永久離港...

強積金年蝕逾9% 人均輸28257元 海嘯後表現最差 明年扭虧有難度

今年環球市場波動,股市表現尤其欠佳,本港強積金(MPF)亦難以幸免。截至本月21日止,強積金年內平均累跌9.3...