打工仔手記:定期檢討MPF成績表

八月 2, 2013
Kay Choi

今日行過茶水間,遇見兩位新來的intern妹妹傾偈。
Jola妹:「今個sem GPA僅僅去到3咋,前兩個sem 拎高分都前功盡廢!」
Cici妹:「去到3都OK呀,你想first hon畢業咩?」
雄心壯志的Jola妹答:「係喎,呢個真係我target喎!Year 3兩個sem都係唔好成日偷走出去唱K啦…要努力D拉番個平均GPA先得!」
覺得趁後生去玩大過天的Cici真係無佢咁好氣。
老陳聽完我講,只送「無聊」兩隻字我歎。唔係喎,佢地GPA幾多我唔理,我只係諗起另外3粒字母:MPF。

認真對待MPF 定期作季檢
勁歌都有季選啦,做人唔定期作自我檢討,會同人生目標越來越遠。好多打工仔(尤其初出來打工的一群)會覺得:「MPF?要成幾廿年後先攞得返,到時我都唔知自己響邊啦,求其入落MPF戶口求其揀低風險咪算囉!」無錯,如果你真係咁諗,真係唔多理,你老咗就真係唔知筆錢響邊!

並非靠嚇,雖然很多人對政府的強積金政策不滿,認為對比其他國家,保障不夠養老;然而,既然還未有更好的方法,這筆錢也實屬你辛苦捱人面色得來的血汗錢,點可以唔理。正如之前有講過,每個人的退休計劃都會因應你年齡、意願而不一樣,所以最好清晰知道自己的退休目標,或許MPF這一份未能助你達標,有可能你另有儲蓄或投資,不過,一份還一份,你還是要跟你計劃好的benchmark比較。

季度性的定期檢討其實是有必要的,以季來作單位好使你有足夠的彈性去作投資嘗試和觀察,亦可因應表現作出調節。最好能夠為自己設一個簡單的MPF檢討報表,列出每年及每季你的目標數字,再把實際的MPF報表數字填上,就可以清晰知道狀況,賺多咗還是在蝕錢?是否偶然因為搏高回報而蝕錢還是一直有蝕的趨勢。

跟目標比對 為理想退休「跑數」
正如intern妹妹話齋,知道今個sem表現唔達標,就靠下兩個sem拉返高。真係有點醒我!發現原來呢半年以為會有高回報既基金其實蝕緊我的血汗錢,梗係要即刻止蝕啦!平日固然要出力幫公司跑到條數,為自己未來」跑數”同樣非常重要!

大部份的投資產品都會有季度報告,一邊檢視自己的MPF成績之餘,也可同時看看市場上各類投資產品的報告,再多留意市場預測,當你要為自己再調動MPF投資組合時,會有個比較清楚的whole picture。如果你向來只靠道聽途說,只會越來越迷失。無錯,market sense是要慢慢」浸」回來的,不是一下子就可以得道。但只要你肯花心神,總會領會到一點點。