御峰理財:積金達人解初哥煩惱

八月 7, 2016
Eddie Choy

御峰理財研究部在東方產經「積金FUN享」專欄表示,小米是職場新人,第一次接觸強積金有很多不了解的地方。小米的家姐為「積金達人」,便開始同細佬小米上堂,阿媽亦在身邊做個學生。

小米:打工點解要交強積金啊?唔交得唔得啊?

家姐:強積金是退休保障的一環。佢就好似月初你要給阿媽家用咁,係強制性的。

小米:交咗強積金係咪就可以退休無憂啊?

家姐:強積金只是退休其中一部分,加上社會福利、個人儲蓄和保險才能夠滿足退休的需要。你亦可以考慮作額外自願性供款,就好似畀多啲家用阿媽,阿媽幫你存多啲錢,退休就多啲積蓄。

小米:我都會自己增加儲蓄啦!我會開始投資其他嘢。

家姐:唔好買咁多機器人模型啊,無謂嘢嚟!

小米:又畀家姐你睇穿咗,機器人模型會增值喎!

御峰評:香港的強積金制度旨在提供該退休保障方案的第二條支柱,即由私營機構管理的強制性供款計劃。在實施強積金制度前,本港只有約三分之一的工作人口享有退休保障。自強積金制度推行後,現時約有85%的總就業人口獲強積金計劃、職業退休計劃、法定退休金或公積金計劃(例如為公務員或公立學校教師而設的計劃)保障。

家姐:阿媽你知道強積金的基金有好多種?

阿媽:唔知啊。

家姐:強積金的基金可以分為六類,貨幣市場基金、保證基金、債券基金、混合資產基金、股票基金和其他基金。阿媽你買緊咩基金啊?

阿媽:咁多種類,我每樣買少少啦。

家姐:阿媽,你以為買菜啊?

阿媽:不如你買咩,我跟住買咩啦。

家姐:不同年齡的人士具有不同的風險偏好,阿媽你臨近退休就應該選擇一些保守型的資產,例如貨幣市場基金、保證基金以及債券基金等。

御峰評:強積金投資有投資風險,基金亦不是穩賺不賠的投資工具。投資者應該瀏覽積金局或者參與強積金計劃下的公司網站,以及各種資料充分了解不同基金產品的特性,這樣才能做到明明白白地投資。

Our Blog. Stay informed with MPF.HK insights.

滙豐恒生強積金流失百萬MPF

根據強積金研究機構《積金評級》(MPF Ratings)資料,截至今年3月底止,MPF資產累積至1.17萬億元...

永久離港 取回MPF

在MPF法定框架內,到底何謂「永久離港」? 「現行的《強制性公積金計劃條例》,並無白紙黑字列明,何謂『永久離港...

強積金年蝕逾9% 人均輸28257元 海嘯後表現最差 明年扭虧有難度

今年環球市場波動,股市表現尤其欠佳,本港強積金(MPF)亦難以幸免。截至本月21日止,強積金年內平均累跌9.3...