低能諮詢?時間 不如摺埋強積金

港府從來都係該做唔做,唔該做亂做,次次都要爆大鑊至知衰。好似強積金咁,不倫不類,唔湯唔水,當局唔對症下藥,反而藥石亂投,卒之又畀人狂插。

呢,積金局唔知抽?邊條筋,建議設立恩恤制度,容許供款人?患有危疾、置業及升學等特殊情況下,可以?退休前提取部分強積金應急。點知呢條屎橋一出就劣評如潮,港大社工及社會行政學系講座教授周永新狠批建議「低B到痹」,絕對不合時宜,係未學行先學走,根本行唔通,咁?諮詢完全係浪費時間。

何解學者咁扯火?係人都知,強積金供款率低,成立時間短,滾存金額多極有限,家陣每個強積金戶口平均只得十幾萬蚊咁大把,唔好話置業,就算大學生??交學費都未必夠啦,你話係咪盞搞?!

當局聲稱有關建議係參考新加坡?制度喎。不過周教授就篤爆,人?新加坡係超強強積金,而香港?就「低B到痹」,點樣參考?。唉,又難怪教授咁勞氣,唔怕唔識貨,最怕貨比貨,新加坡上世紀五十年代已經設立強積金,比香港早幾十年,而且供款率又高,款項由政府統一管理,唔只免稅,仲設定保證回報率,唔夠由政府包底。

而講到香港強積金咯喎,就認真羞家,管理費貴、風險高、回報低,幾乎賺埋都未夠畀基金經理,推出十年畀市民鬧足十年。基層打工仔辛辛苦苦供款,退休後得番雞碎咁多,買糖唔甜,買鹽唔鹹,試問點安度晚年?!

正如周教授話齋,當局應該先做好長期服務金、遣散費對沖同管理費過高?檢討,而唔係「再搞咁多?」。亦有立法會議員話,應該先討論強積金自由行、半自由行問題,恩恤制度十幾年後至考慮都未遲。

功夫茶諗極都唔明,學者同議員?建議並唔係乜?高深?經濟理論,普通人一聽就明,強積金?設計同管理出?問題,點解當局唔撥亂反正,偏要阿茂整餅,冇?樣整?樣。所謂恩恤制度,話就話江湖救急,其實係飲鴆止渴。

話時話,強積金不倫不類,好多打工仔退休後只能夠望天打卦,隨時臨老唔過得世,當局一味小修小補,根本係?時間,不如索性將強積金摺埋,及早推行全民退休保障仲好過喇。

咪話功夫茶唔提醒,年初財爺鬍鬚曾推出「史上最廢預算案」搞到民怨四起,跪低收場,都係因為「注資強積金」惹出禍?咋,如果當局今次又唔識死,遲早衰多一鑊!