中環在線:AIA馮裕祺睇中「沙排孖妹」

AIA同惠理(806)新推咗款強積金基金,不過就冇好似積金局咁,搵坤哥去sell強積金,而係搵咗剛剛拎咗新加坡公開賽冠軍嘅港隊「沙排孖妹」吳天麗同黃婉媚拍廣告。
今次AIA MPF力邀「沙排孖妹」參與,原來係因為AIA MPF行政總裁(CEO)馮裕祺(Stephen)一向鍾意睇沙排,皆因沙排係少數運動只有雙打,講求反應靈活,隊員仲要好有默契。今次合作出嘅基金咁啱係主打靈活調整股債比例,正正就好似沙排咁做到攻守兼備。
Stephen仲話,知道香港沙排運動員支援比較少,要好有熱誠全職追夢,「沙排孖妹」形象咁正面健康,所以好適合搵佢哋sell新產品,希望打工仔一買隻基金,就聯想到好似「沙排孖妹」咁有決心、默契同毅力喎。